Shillong, Naiwieng, 06: Kawei ka kali Gypsy kaba don ïa u nombar ML02-0236 ba la bhah na ka bynta ka Pasteur Beat House ka la shah wiang ding ha ka Sngi U Blei ha ka por kumba 2:30 baje mynstep kaba la pynieng ha ka phyllaw jong ka Pasteur Beat House.
Ha kaba ïadei bad kane ka jingjia, ki Pulit ki suba jur ba ka jingshah wiang ding jong kane ka kali Gypsy ka lah ban dei na ka jingjia ha kine ki khyndiat sngi.
Ka tnat Pulit ka la bthah ïa baroh ki Sector Officer ba ki dei ban pynthikna ïa ka jingshngaiñ jong ki kali kiba don ha ki Thanat khamtam ki kali kiba ïaid lyngba sha ka thaiñ Jaïaw bad Mawlai bad la bthah ruh ba ym dei satia ban shu ieh umto ïa ki kali ha ki jaka paidbah.
Ha ka miet sngi Thohdieng, kawei ka kali Bolero ba khlem ïoh nombar ka la shah wiang ding bad ing malu mala ha ki briew bym lah ithuh.
