Nongstoiñ, Nailar 28: U bah Enkupar Ïawphniaw President ka United Democratic Party jong ka Mawshynrut Constituency, u ba dei ruh u vice president jong ka UDP West Khasi Hills District u la iehnoh noh ïa kitei ki post ba u la bat baroh shi katta.
Ha ka shiti kaba u la phah ha ka 26 tarik mynta u bnai sha u bah Metbah Lyngdoh president rangbah ka party, u la ong ba ka jingiehnoh jong u ïa kitei ki ar tylli ki post kam dei ba u don ka jingthmu ban leit pynïasoh sha kano kano ka Sengsaiñ pyrthei, hynrei ka dei na ka jingbym lah shuh banh trei namar ka jingbun kam palat. U la kitbok kit rwiang ruh ïa ki nongtrei bad ki nongkitkam baroh ba kin nang trei shitrhem na ka bynta ban pynkhlaiñ ?a ka party nangne shakhmat.
