Iehnoh kam ka Kong Macdalyne S Mawlong kum ka President ka NPP Nongpoh Block, mih bujli u Bah Henry T Nongrum

Nongpoh, Nohprah 15: Ki dkhot jong ka National People’s Party Nongpoh Block mynta ka sngi kila lum da ka jingïalang ban jied ïaki nongïalam bad nongkitkam ba thymmai jong ka party ka jingïalang kaba la long ha ïing Dorbar Iewmawlong hadien ba ka kong Macdalyne S Mawlong kala iehnoh kam kum ka President jong ka NPP Nongpoh Block.
Ha katei ka jingïalang ban jied ïaki nongïalam ba thymmai jong ka party, naka liang ki dkhot jong ka party kila ibit ïa u Bah Henry T Nongrum ban shimti ïa ka kam president Bah Rayonald Kharkamni kum u Working President, Bah Stoiñly Syngkli bad u Bah Konin Ingti kum ki Vice President, bah Bishar Tmung, Bah Elphost Shadap bad u Bah Perly Ronghang kum ki General Secretary, Bah Bronis Makri, Bah Anthony Suchiang, Bah Diren Kleiñ, Bah Pyndaplang Wahlang bad u Bah Luckystar Thankhiew kum ki Secretaries.
U Bah Henry T Nongrum haba kren sha ki lad pathai khubor u la ïathuh ba haiden ka jingieh noh ka Kong Macdalyne Mawlong kum ka President jong ka NPP Nongpoh Block la jied ïa u kum u Acting President khnang ba yn lah ban lum ban lang ïa baroh ban thaw bad pynthymmai ban ioh ïaki nongktikam ba pura jong ka party naka bynta ban trei bad pyntyllun ïaka kam jong ka party khamtam ban pynkhreh ïaka elekshon MP bad MDC.
U la ïathuh ruh ba mynta ka sngi naka liang ka NPP Nongpoh Block ka la ïoh iaki nongkitkam kiba pura bad ïa kine baroh yn sa ïoh ïaka jingpynskhem haka 20 tarik Nohprah ha Umsning bad lyngba ka jingïoh ban pynskhem ïa kine ki nongkitkam baroh ngi ngeit skhem ba ngin lah ban trei shitom naka bynta ka party bad khamtam eh naka bynta ka elekshon MDC bad election MP.