Nongpoh, Nohprah 15: 2 ngut ki samla pule jong ka skulbah Assam Don Bosco University kila khlad noh hashen bad uwei u samla u la mynsaw jur hadien ba ka thuk thuk kaba ki shong kala leit ban tynrah ïa kawei ka trok kit mar ha kawei ka jingkieng Flyover ha Jorabat katba ki dang mih na Sonapur ban leit sha Guwahati.
Kane ka jingjia kala jia mynta ka janmiet jaka por 3 baje eiei ha kaba katei ka thuk thuk kaba don ïa u number AS 01 EJ 7870 kala leit ban tynrah naki bynta ba shadien jong kawei ka trok kit mar kaba don ïa u number NL 01 AE 1887 haduh ba 2 ngut ki samla pule kila khlad noh hashen bad uwei u la mynsaw jur.
Naka liang ki bor pulit jong ka Jorabat tang hadien ka jing ioh jingtip ïa katei ka jingjia kila leit mar mar sha katei ka jaka ban pynlong ka jingtohkit bad pynkit noh ïa kitei ki 3 ngut ki samla pule sh aka GMCH Hospital Guwahati ban ioh ka jingsumar hynrei 2 ngut napdeng jong ki kila khlad noh namar ka jingmynsaw kaba jur.
Kitei ki 2 ngut kiba la khlad noh la tip kyrteng kum u Kethosetou M na Kohima, Nagaland u ba pule ïa ka subjek Economic bad u Shreyan Roy na Assam u ba pule ïa ka BSC Hospitality bad uwei pat u samla ba mynsaw la ithuh kum u Kethossetuo Kratsutsu na Kohima ba pule BSC Hospitality ha skulbah Assam Don Bosco University, bad halor katei ka jingjia naka liang ki pulit ki dang pynlong ka jingtohkit.
