Ïathir ïatai ka High Court halor ka jingïadei ka bishar, ki lad pathai khubor bad ki riti ki dustur

Shillong, ïaïong, 19: Ka Iingbishar Meghalaya High Court ha ka sngi Saitjaiñ ka la pynlong ïa ka jingïathir ïatai kaba shi sngi halor ka phang “Judiciary and the Media, Local and Customary Laws under the Sixth Schedule in Meghalaya” ha Auditorium jong ka Iingbishar ha nongbah Shillong.
U Judge jong ka Supreme Court of India Justice Surya Kant u la long kum u kongsan ha kane ka sngi bad ai jingkren halor ka mat “Optimizing Court Appearance: Harmonizing Physical, Virtual and Hybrid Mode with Live Streaming Restrictions.”
Katba u Justice Pinaki Chandra Ghose, uba dei u Lokpal barim bad u nongbishar barim jong ka Iingbishar Supreme Court of India ula wan ïashim bynta kum u symbud kongsan.
Ha kane ka sngi la sakhi lang da ki kynrem ki lyndan ba kynthup ïa u Chief Justice jong ka Meghalaya High Court Justice I.P. Mukerji, ka Judge jong ka Iingbishar Telangana High Court Justice Moushumi Bhattacharya, u Justice H.S. Thangkhiew bad Justice W. Diengdoh, kiba logn ki nongbishar jong ka Iingbishar Meghalaya High Court.
Ka jingïathir ïatai ha kane ka sngi ka long halor ka jingïadei hapdeng ka bishar ka khadar, ki lad pathai khubor bad ki riti dustur hapoh ka Sixth Schedule ha Meghalaya.