Nongstoiñ, Jymmang 19: Kum shi bynta jong ka jingpynkhreh na ka bynta ka South West Monsoon, ka District Disaster Management Authority (DDMA), West Khasi Hills District, hynne ka sngi ka la lum jingïalang ïa ki tnat treikam bapher bapher jong ka sorkar ha Conference Hall jong ka ophis u Deputy Commissioner ka Distrik.
Kane ka jingïalang, ïa kaba la pynïaid da u Additional Deputy Commissioner ka West Khasi Hills District u ba long ruh u CEO ka DDMA jong ka distrik, u Bah Kerwood Thabah ka la ïatai sani halor ki kamram bad jingkitkhlieh jong kawei pa kawei ka tnat sorkar halor ka jingpynkhreh na ka bynta ka aiom slap ka ban sa wan.
