Shillong, Nailar 06: Ka IIM Shillong ka la ïasoi ïa ka jingïatehkular (MoU) bad ka State Institute of Rural Development & Panchayati Raj (SIRD&PR), Arunachal Pradesh da ka jingthmu ban ïatreilang na ka bynta ban pynkylla dur bad ban kyntiew ïa ki kam nongïalam bad ki bor pynïaid hapoh ki Panchayati Raj Institution (PRI) ka Arunachal Pradesh.
Ïa katei ka MoU la soi da u Prof. D.P. Goyal u Director jong ka IIM Shillong bad u Secretary Panchayati Raj-cum-President Executive Council, SIRD&PR u Dr. S Dr. Sonal Swaroop.
Ka jingthmu ba hakhmat jong kane ka MoU ka long ban buh ïa ki kyndon ban pyntreikam ïa ka Management/Leadership Capacity Building Program bad ïa kane ka prokram la pynwandur ban kyntiew ïa ka jingtbit bad jingnang jingstad jong ki nongmihkhmat kiba la shah jied, ki ophisar bad ki nongtrei jong ki Panchayati Raj Institution (PRI) ha kylleng ki bynta jongka jylla Arunachal Pradesh.
Kane ka jingïatreilang ka pyni ïa ka sienjam kaba kongsan ban pynkhlaiñ ïa ka jingsynshar bad jingtreikam jong ki kam pynroi ha ki thaiñ nongkyndong bad ka Panchayati Raj ha ka thaiñ bad ban ïasam lang ïa ki jingtip ban kyntiew ïa ka jingsynshar bad jingshakri ha ki thaiñ nongkyndong ban kyntiew ïa ka sap long nongï0alam ha ka imlang sahlang.
