Shillong, Ïaïong 25: Ka NEEPCO bad ka NBCC (India) Ltd ki la soi ïa ka Memorandum of Understanding (MoU) hapoh Corporate Office, Shillong na ka bynta ban tei ïa ka state-of-the-art NEEPCO Township kaba ha Mawdiangdiang, Umsawli, Shillong, kaba long halor ka nongrim ka jingïapynphai kylliang.
Ïa kane ka MoU la soi ha ka jingdonlang u B. Maharana, Director (Finance), NEEPCO bad u Major General u Rajesh Kr Jha AVSM (Retd), Director (Personnel), NEEPCO. Ïa kane ka jingmynjur la pyntreikam da u D. Baruah, Chief General Manager (Technical), NEEPCO, bad u Anil K. Pathak, Chief General Manager, NBCC Ltd bad u In-charge jong ka North East region.
Kane ka Township Project kaba la angnud ka kynthup ïa ka consultancy na ka bynta ka jingpynwandur bad ka drawing, ha ryngkatlang bad ka jingtei ïa ka residential complex kaba don baroh ki jingdonkam ba kongsan na ka bynta ki nongtrei ka NEEPCO Head Office. Kane ka projek la khmih lynti ban pyndep pura hapoh ka por ba la buh la kumno kumno hapoh ki 30 bnai.
