Shillong, Rymphang 23: Ka kynhun ïalehkai Roll Ball jong ka Meghalaya ka la pynbna ïa ka thup kyrteng jong ki rangïalehkai ki ban mihkhmat ïa ka Jylla sha ka lympung 21st Senior (Above 17) National Roll Ball Championship ka ba la sdang naduh ka 22 tarik haduh ka 25 tarik Rymphang, 2025.
ïa kane ka lympung yn pynlong ha Kongunadu Engineering College, Thottiyam, Tiruchirapalli District, Tamil Nadu. Mynta ka kynti ka kynhun ïalehkai jong ka Meghalaya Roll Ball ka la sei madan ïa ki 10 ngut ki shynrang ki ban ïakhun ha katei ka lympung.
Kine ki long ki kyrteng jong ki rangïalehkai kiba la shah jied: Elnathan D Kshiar, EKHD, Mewanshanlang Nongbri, EKHD, CaldySteward Nongsiang (Kapten), WKHD, Colin Jona Iawphniaw, WKHD, Eric Aibor M. Marboh (GK), WKHD, Ferrando Ehbok Pyngrope, WKD, Freddy Lumlang Marboh (Vice Captain), WKHD, Calvert Jason Iawphniaw (GK), WKHD, Banskhemlang Wahlang, WKHD, Shemkupar Mawbon, WKHD.
Kane ka jingïalehkai kaba heh kan sakhi ïa ka jingïakhun kaba jur bha hapdeng ki 28 tylli ki kynhun jylla bapher2, ha kaba ki kynhun shynrang bad kynthei kin ïakhun ban ïoh ïa ki nam ba ha khlieh duh.
ïa ka kynhun yn ïalam da u Seiborlang Marbaniang – East Khasi Hills District kum u Coach.
