Shillong, Lber, 7: Uwei u rangbah briew na ka Jylla Assam u la ïap hapoh kawei ka kamra sah ha Hotel ha Shillong ha ka sngi Palei.
U SP ka East Khasi Hills Rituraj Ravi u la ïathuh ba ki nongtrei ka Hotel Assembly kaba don ha Police Bazar ki la pyntip ba uwei na kiba sah basa um shym la mih satia napoh ka kamra bad mardor ki Pulit ka Sadar Police Station, ryngkat ka jingdonlang jong ki nongsakhi ki pynpait ïa ka jingkhang.
Ïa ka met jong une uba ïap la ithuh kyrteng kum u Sijo Joseph uba la 47 snem ka rta uba dei na ka shnong Beltola Road, Guwahati.
U SP u la ïathuh ba la pynlong ïa ka jingtohkit bad la lap ba ka dei na ka daw ba u Sijo u la dih shaba pud ïa ki dawai kuli.
“Kam don kano kano ka dak ba pynsuba sniew. Ïa ka met la phah leh post mortem. Ngi la pyntip ruh sha ki bahaing bad ka jingtohkit halor kane ka jingjia ka dang ïaid shakhmat,” u la ong.
