New Delhi, Lber 7 : Ka Kynhun Myntri jong ka sorkar pdeng ba la khlieh da u Myntri Rangbah duh, u Narendra Modi ka la mynjur ban pyllait ïa ka bynta jong ka Dearness Allowance (DA) sha ki nongtrei sorkar pdeng bad ka Dearness Relief (DR) sha kito kiba ïoh bai bam tymmen naduh ka 1.1.2024 kaba long ka jingkiew kaba 4% na ka jinglong jingman kaba 46% mynta jong ka Jingsiew Basic / Bai Bam Tymmen, khnang ban pynïahap bad ka jingkiew dor ki mar.
Ka jingktah ïa ka pla tyngka ha kaba ïadei bad ka Dearness Allowance bad Dearness Relief kan long T. 12,868.72 klur shi snem. Kane kan ai jingmyntoi ïa kumba 49.18 lak ki nongtrei sorkar pdeng bad 67.95 lak ïa kito kiba ïoh bai bam tymmen.
Kane ka jingkiew katkum ka jingkheiñ kaba la pdiang, kaba don nongrim ha ki jingai jingmut ka 7 th Central Pay Commission.
