Shillong, Rymphang 8 : Kat kum ka khubor ba la ïoh la ïathuh ba uwei u nongbylla tih dewïong u la duh ei ïa ka jingim hadien ba u la shah tyllep shapoh krem ha ka jingtwa jongka krem liewkhnai tih dewïong ha thain Sutnga, East Jaintia Hills.
Kat kum ka khubor ba la ïoh la ïathuh ba kane ka jingjia ka la jia kumba katto katne sngi ei ei hynrei ïa ka met jong une u rangbah dang ïoh ban sei dang hynnin ka sngi Balang. Kane ka jingjia ka pynpaw ba ka jingtih dewïong beain ka ïai bteng beit ha East Jaintia Hills wat hadien ba ka iing bishar High Court ka la pynmih da ka hukum ba pyrkhing bha ban pynkynriah kam ïa ki bor synshar district namar kim lah ban tehlakam ïa kane ka kam tih bad khaii dewïong beain ha katei ka district.
