Nongpoh, ïaiong 30: Ha kawei ka jingjia aksiden, 2 ngut ki rangbah kila duh noh syndon ïala ka jong ka jingim hadien ba ka Auto kaba ki shong kala shah tynrah bad shah ban haka trok haka shnong Lum diengngan harud surok Shillong By-Pass.
Kane ka jingjia kala jia hynnin ka janmiet haka por 5:30 eiei bad katkum ka jingtip bala ioh lum la ïathuh ruh ba katei ka Auto kaba don ïa u Registration Number ML 10 B 8434 ka dang wan na Jowai kala ïaid sha ka lynti kaba bakla (wrong side) bad tyngkhuh beit bad kawei ka trok kaba don ïa u Registration Nuber AS 01 MC 1767 haduh ba 2 ngut ki rangbah ba shong ha katei ka auto kila ïap hashen. Kitei ki 2 ngut kiba la duh noh ïala ka jingim ki kynthup ïa u Kumarlang Marbañiang na ka shnong Umket bad u Marbudkini Pakynteiñ na Wahjiar, naka liang ki bor pulit jong ka Khapmara PIC ki dang pynlong ka jingtohkit halor katei ka jingjia.
