Gangtok, Nohprah 23: Khathynriew ngut ki Shipai, kynthup ïa ka lai ngut ki ophisar,ki la ïap haba ka trok kaba kit ïa ki, ka la noh sha ka riat kaba jylliew ha ka bynta kaba shatei jong ka Sikkim mynta ka sngi.
Ka khubor na ki Shipai ka ïathuh ba kane ka trok kaba la noh sha riat, kadei ka bynta jong ki Convoy jong ki lai tylli ki trok kiba mih na Chatten ban leit sha Thangu. Ha kane ka jingïaid lynti hamat ba poi ha Zema,ka trok ka la skid ne syntuid kynsan ha jaka ba khun bad ka la noh jraiñ sha riat bah riat san.
Ki Shipai mar syn ïoh jingtip ïa kane, ki la leit wut wut sha katei ka jaka ban leit pyllait im ïa kiwei pat kiba la mynsaw.
\U Myntri ïada ri jong ka ri India, u Rajnath Singh, ha ka jingpyllait khubor, u la pynpaw ka jingsngewsih kaba jur halor kane ka jingkhlad noh jong ki Shipai bad u la ong ba ka Kynhun Shipai ka ïa don ryngkat bad kiba haiing hasem jong kine ki shipai kiba la khlad noh.
