Shillong, Risaw, 28: U President jong ka Karnataka Pradesh Congress Committee (KPCC) u DK Shivakumar ha ka sngi Thohdieng u la pdiang sngewbha ïa u Bah Paul Lyndoh uba long u Myntri jong ka tnat Jngohkai Pyrthei bad Social Welfare ka Sorkar Meghalaya ha ka ophis treikam bad ïakren ruh katto katne ki mat kiba ïadei bad ki jingeh jong ka thaiñ bad ka ri.
Ka jingïakren hapdeng u DK Shivakumar bad u Bah Paul Lyngdoh ka long ruh halor ka jingïadei hapdeng ki nongïalam na kylleng ki thaiñ jong ka ri India. Kum kane ka jingïakynduh kan pynkhlaiñ ïa ka jingïatreilang bad kan wanrah ïa ka jingïasngewthuh jingmut, bad ban sngewthuh ïa ka jingeh ba ka ri ka la mad.
Kine ki arngut ki la ïasyllok ruh ban noh synñiang sha u sup u thiar na ka bynta ka bha ka miat jong ka jylla kaba ki mihkhmat bad ïa ka jingdonkam ban kyntiew shaphrang ïa ka ri.
Kum kine ki jingïakynduh hapdeng ki nongïalam kan plie lynti na ka bynta ban ïasam jingtip, bad ban pyntyllun shakhmat ïa kino kino ki jingthmu. Kan pynkhlaiñ ruh ïa ka jingïatylli bad ka jingïatreilang ka ban tehsong ïa ki thaiñ bapher bapher jong ka ri India.
Ka jingïakynduh hapdeng u DK Shivakumar bad u Bah Paul Lyngdoh kan wanrah ïa ka jingïajan hapdeng ki jylla bad kan pynpaw ruh ïa ka mynsiem ïalong kawei wat hapdeng ki jingïapher kiba bun bad ban ïatreilang ryngkat ryngkat na ka bynta ka jingbha.
