Ïaid shaid shaid ka jingtei ïa ka ophis MTC ha Khyndai Lad ha ka jinglut kaba 216 klur

Shillong, Lber, 14: U Symbud Myntri Rangbah ka Jylla u Bah Sniawbhalang Dhar ha ka sngi Baar u la ong ba ka jingshna ïa ka ophis jong ka Meghalaya Tranports Corporation ha ka jinglut kaba T. 216 klur ka la ïaid shakhmat.
“Ym don jingthud haei haei ruh namarba ka jingshna ka long beit katkum ka Detailed Project Repport(DPR),” ong u Bah Dhar ha ka jingïakren bad ki lad pathai khubor.
U la pyntip ba ka Sorkar ka la thmu ruh ban buh ïa ka Hotel bad kiwei kiwei ynda la dep shna ïa ka Multipurpose Building, ïa kaba la buh thong ban pyndep hapoh ar snem shiteng. Ïa kane ka projek la shna ha jakaba don ka jaka jong ka ophis treikam jong ka Meghalaya Transport Corporation kaba don ha Khyndailad.
U la ong ba ki don katto katne ki jingeh ha kaba ïadei bad ki nongshong wai. “Ngan sa lum jingïalang halor kane lashai ka sngi. Ki (nongshong wai) kim shym la ong ba kim shym la mynjur ban mih noh hynrei ki la buh da ki kyndon bad ngin sa ïakren halor kane lashai. Ki kyndon ki dei kiba biang bad ngi ladep ruh ban ïamynjur tad ynda ladep shna ïa ka building khnang ba kin ïoh shong biang,” la bynrap u Bah Dhar.
Ïa mynta la pynkynriah shipor ïa ka ophis jong ka MTC sha Mawïong.