Jowai, Jylliew 27: Ka lympung ïalehkai phutbol jong ki khynnah skul ka ‘District Level Inter School Subroto Mukherjee Cup Football Tournament- 2023’, ka la nang iaid shaphrang. Ha ka jingïakhun jong ka Pre Quarter kaba la ïaid shaid shaid sha khmat mynta ka sngi ha ka kyrdan Under-17 (Boys), ka North Liberty H/S School kala lah ban pynliem da 7-0 kol ïa ka Ialong Sec. School.
Ha ka U-17 ki kynthei ka Jowai Govt. U/P & RMSA School kala pynliem da 4-3 kol ïa ka Amwi H/S School, Thangbuli da ka jingïashut Tie-Breaker. Ka North Liberty H/S School kala pynliem da 6-0 kol ïa H.K Singh Memorial Sec. School.
Katba ha ka jingïakhun jong ki kyrdan U-14 (boys) ka North Liberty H/S School kala pynliem da ka Tie Breaker da 4-2 kol ïa ka Little Flower H/S School. Ka Ummulong, Ka Govt. Boys H/S School kala pynliem da ka Tie Breaker da 4-3 kol ïa ka Moosachram U/P School bad ka R.C Eve Sec. School kala pynliem da 6-0 kol ïa ka J.N.M Sec School, Lamin.
