Shillong, Lber 30: Ka tnat Radiology & Imaging NEIGRIHMS ka la pynlong ïa ka CME cum Workshop halor ka phang “Image Guided Tissue Sampling Techniques – Principles and Recent Advances” bad ha kane ka prokram ki la don haduh 30 ngut ki radiologist bad ki resident na kylleng ka Meghalaya kiba la shim bynta ha kane ka CME. Ia kane ka workshop la pyni da u Dr. Binoy Kumar Choudhury Senior Consultant na ka State Cancer Institute, GMCH, Guwahati ha kaba la batai halor ka CT bad Ultrasonography.
Na ka liang u Prof. Nalin Mehta Director, NEIGRIHMS uba la donlang ha kane ka prokram u la ong, “Ka NEIGRIHMS da ka jingdon ïa ka Regional Cancer Centre (RCC) ka la sdang ban ai ïa ki jingsumar ïa ki nongpang khnang ba kin ym donkam ban leit shabar ne shajngai na ka jylla ban leit phah sumar”. Na ka liang u Prof. Mehta shuh shuh u la ai khublei ïa ka tnat ba ka la pynlong ïa kum kane ka prokram kaba long kaba kongsan bha.
Ha kane ka sngi la ïoh ruh ka jingkren na Prof. C. Daniala Head of the Department of Radiology & Imaging, na Additional Professor Dr. Donboklang Lynser bad kiwei kiwei.
