Shillong, Lber 13 : U Myntri Rangbah ka jylla u Cornad K Sangma mynta ka sngi u la ïa kynduh ïa u myntri rangbah duh jong ka Ri India u Narendra Modi ha nongbah Delhi, da kane ka jingïakynduh khmih lynti ba ka sorkar pdeng kan dang ïai bteng ban kyrshan ïa ka jylla Meghalaya ha ka roi ka par.
Ha kane ka sngi u myntri rangbah ka jylla u la ïa kynduh ruh ia u myntri kam poh ïing ka sorkar pdeng u Amit Shah bad ha kane ka jingïakynduh u myntri rangbah u la pynpaw ïa ka jingsngewnguh ba u la don lang ha ka sngi ba u shimti ïa ka sorkar kaba thymmai ka MDA 2.0 bad khmih lynti ïa ka jingkyrshan ka sorkar pdeng.
Ha kane ka jingleit sha Delhi, u myntri rangbah ka jylla u la ïa kynduh ruh ïa u myntri ba dei peit ïa ki riewlum u Arjun Munda, u la ïa kynduh ruh ïa u myntri ba dei peit ïa ka tnad kam dewiong u Joshi Pralhad kitei ki ar ngut ki myntri kila ai ka jingkit bok ïa kane ka sorkar MDA 2.0 ha Meghalaya.
Nalor kitei ki myntri la ïa kynduh ruh ïa u Hardeep Puri myntri ba dei peit ia ka tnad pynroi sor, petroleum bad Natural Gas, ha ka juh ka por la ïa kynduh ruh ïa u myntri ka tnad aiñ u Kiren Rijju. Kane ka jingïa kynduh baroh ka long ha nongbah Delhi.
