Shillong, Jylliew 23: Ka Sorkar Jylla ka la hukum ban pynlong da ka jingtohkit halor ka jingkynnoh ba ka don ka jingtih dewïong beaiñ hapoh ka South West Khasi Hills.
Ïa kane ka hukum la pynmih da u Secretary in-charge Mining & Geology department kaba la ong, “La bthah ïa u Deputy Commissioner, ka South West Khasi Hills ban pynlong ka jingtohkit halor ka jingkynnoh ba ka don ka jingtih dewïong beaiñ kaba la jia ha South West Khasi Hills District kaba dang hab hapoh ka Nonghyllam police station da u Skindford Nongbri.”
Ka hukum ka la bthah ruh ïa u DC ban aiti ïa ka kaiphod kaba bniah hapoh ka 7 sngi na ka bynta ban aiti sha u Justice (Retd) BP Katakey kumba la kwah da ma u.
“Shuh shuh, u DC u dei ruh ban pynshitom da kaba tyngeh pyrshah ïa u ne ki briew hapoh ki kyndon jong ka MMDR Act, 1957 lada kane ka jingkynnoh la shem bad lap ba ka dei kaba shisha,” ong ka hukum.
Ïa u Deputy Commissioner yn ïarap lang ha ka jingtohkit da u Superintendent of Police (SP) jong ka South West Khasi Hills District.
