Hiar u Vice President ka ri India ha kad liengsuiñ Umroi, pdiang burom u Myntri Rangbah ka jylla

Nongpoh, Nailur 07: U Vice President ka ri India u CP Radhakrishnan, mynta ka sngi u la wan poi ha kad liengsuiñ ha Umroi, haka jingwan iuhkjat jong u sha ka jylla Meghalaya naka bynta ban pynlait ïaki kam pynroi bapher bapher haka jingïalang ka ban long ha nongbah Shillong.
La pdiang burom ruh ïa u Vice President ka ri da u Myntri Rangbah ka jylla u Conrad K Sangma haka jingdonlang u Bah Prestone Tynsong Symbud Myntri Rangbah, u Bah Sanbor Shullai, Myntri sorkar ka jylla, u Dr Shakil P Ahammed Chief Secretary ka jylla, ka kong Idashisha Nongrang Director General of Police, u Dr. Abhishek Saini Deputy Commissioner ka Ri-Bhoi, u Giri Prasad Superintendent of Police ka Ri-Bhoi lem bad kiwei kiwei ki heh ophisar ka jylla.