Shillong, Lber 17: Ki Pulit ka East Khasi Hills ha ka sngi Nyngkong, ki la ker kut ïa kawei ka jaka ha Police Point, Laitumkhrah hadien ka jingïoh khubor ïa ka jingdon jong kawei ka pla ba suba don bomb.
Ïa kane ka pla la lap ba la ieh ha ka jaka ba marjan jong kawei ka hotel kaba don ha Laitumkhrah.
Ha kaba ïadei bad kane haba ïakren, u Superintendent of Police ka District Bah Vivek Syiem ula pyntip ba ka dei tang ka pla ba la ieh da mano hajan jong ka hotel ba la tip ka Prakash Hotel.
“Ngi hap ban ker kut ïa ka jaka namar ba ka dei ka pla ba shu ieh kumto, ngi shu shim ïa ki lad jingïada ha kaba ïadei bad kane ka jingjia. Hynrei kam shym la don eiei ruh em lait tang ka pla bad ka laptop lem bad ka pan card kaba don hapoh,” ula ong.
Katkum ka jingong jong u, u trai, ula kum ieh bakla ïa kane ka pla hajan kane ka hotel. Une u trai ula don ha lynti ban wan shimti ïa kane ka pla.
