Shillong, Risaw, 10: Ki Pulit Shillong Traffic Police (STP) kiba la pynlong ka jingtalasi ïa ki thuk thuk kiba pyndait ïa ki ktang pait ba pynmih ïa ka jingsawa kaba sngew jli, hapoh 48 kynta ki la ïoh bat haduh 7 tylli ki thuk thuk.
Katkum u kyrwoh ba la phah da u Superintendent of Police (City), u Bah Vivek Syiem, la ïathuh ba ki Pulit ki la daiñ kuna ïa ki trai jong ki thuk thuk ar shaka kiba pyndait da ki ktang pait da kaba bujli noh ïa kiba rim.
Ka Shillong Traffic Police (STP) ka la kyrpad ïa ki trai kali, kiba pyndait ïa ki ktang pait ba ki dei ban law noh mardor bad ban pyndait da kiba la don lypa. Kane ka jingtalasi ïa ki kali bad ïa ki thuk thuk kiba pyndait ïa ki ktang pait bad ïa kiba pynkheiñ ïa ka Motor Vehicle Act kan dang ïai bteng bad yn leh da kaba tyngeh ïa kiba ïaleh pyrshah.
