Hapdeng ka tlang bom u phria bad slap ha kylleng ki jaka ha Ri-Bhoi

Nongpoh, Nohprah 13: U phria ryngkat u slap u la ther bad bom ha kylleng ki bynta jong ka Dong Ri-Bhoi mynta ka janmiet wat hapdeng ka tlang bala nang pynjur ruh ïaka jingkhriat tasam.
Kumba la ioh jingtip u phria u la ther mynta ka janmiet ha bun ki jaka jaka jong ka dong Ri-Bhoi ryngkat u slap ba neh tang kumba katto katne por, bad kane kala wanrah ka jingeh ïakiba bun ki paid nongrep kiba ym pat dep ban lum ban lang bad shoh ïa u kba ba kila rep shitom baroh shisnem.
Shuh shuh naka katei ka jingther u phria tad haduh ban da thoh ïa kane ka khubor ym pat lah ban ioh jingtip la kala don ne em ka jingduhnong bad ka jingjulor ki iing ki sem.