Jowai, Nohprah 13: U Sub-Divisional Officer (Supply), Amlarem Sub-Division ula pynbna paidbah ba ïa u khaw uba hap hapoh ka NFSA (AAY & PHH) bad Non-NFSA naka bynta u bnai December, 2023 yn sdang ban pyllait noh sha baroh ki Fair Price Shop Dealers katkum kine ki kyndon harum.
Na ka bynta u khaw AAY ha ka jingthew kaba 35 kilo kawei ka longïing (ym donkam siew Pisa). Ïa ka bhah u khaw PHH ha ka jingthew kaba 5 kilo shikhlieh (ym donkam siew Pisa). Katba ïa u khaw Non-NFSA kan long ha ka dor ba ym palat ïa ka Rs.14/- shi kg.
Lada don kino kino ki ba shim da ka pisa ne ki bym ïoh ïa kitei ki mar jong ki, ki lah ban ujor ha u ba soi kyrteng harum da kaba thoh shai ïa ka kyrteng bad ka shnong jong ki khnang ba yn lah ban pynshitom ïa ki. Lah ruh ban ujor ha kine ki number harum: Sub-Inspectors- 9436110184/8731025753. Email: sdo_amlarem@outlook.com
