Halor ka rukom shoh doh ai jinghikai ka KVK ïa ki nongdie doh ka West Khasi Hills

0

Nongstoiñ, Ïaïong, 12: Ka ophis jong ka Krishi Vigyan Kendra (KVK), West Khasi Hills District ka la pynlong ïa ka “One day training and awareness programme on techniques and hygienic practices” in slaughtering and handling of meat in meat handlers ha ka 11 tarik Ïaiong, 2023 ha ka ophis treikam jong ka of Krishi Vigyan Kendra, West Khasi Hills, Nongshillong.
Ïa kane ka prokram la buh beit da ka Division of Animal & Fisheries Sciences, ICAR Research Complex for NEH, Umïam bad la bei tyngka da ka ST Component (mynshwa TSP), ICAR RC NEH Umïam ryngkat ka jingïatreilang jong ka Krishi Vigyan Kendra, Ri-Bhoi bad West Khasi Hills. Ha kane ka prokram la shim bynta da 30 ngut ki participants ba kynthup ïa ki nongotdoh bad kito kiba trei ba ktah ha kane ka kam. Ka expert team ba kynthup ïa u Dr. Samir Das, Senior Scientist, Dr. A.A. Prince Milton, Scientist, ICAR RC NEH bad u Shri. Bankit K. Mukhim SMS (Fisheries), Krishi Vigyan Kendra, Ri-Bhoi ki la don ha kane ka prokram ha kaba ki la sam lang ïa ki symboh jingmut lyngba ka jingnang jingtip bad jingshemphang jong ki halor ka rukom ba khuid bad suba ha ka kam ot doh bad kiba trei ba ktah ha kane ka jaitkam.
Ka Kong Lakyntiew Warjri, Senior Scientist & Head of KVK, West Khasi Hills ka lah ai ka jingkren lyngkot bad jingpdiang sngewbha ïa ki nongkren kiba dei na ka Animal Health Division, ICAR RC NEH, Umïam bad ka jingnoh synniang jong ki da kaba ai jingpynshai halor ki lad bad ki rukom ba khuid bad suba, ka ba lam sha ka jingïada ïa ka koit ka khiah jong ki nongot doh, ki dkhot jong ki longing jong ki bad kumjuh ïa ki nongthied.
U Dr. Samir Das u la ai ïa ka jingkren lyngkot halor ka prokram ha kaba la sam ruh ïa ka meat handlers kit. Ha kane ka kit la kynthup lang ïa ki tiar ki tar bad ki jingdonkam na ka bynta kito kiba trei ba ktah ha kane ka kam kaka shongdor kumba 10,000 tyngka.
Ka la don ruh ka Technical session ha kaba la ai jingkren da u Dr. A.A.P. Milton. U la ong ba ki nongot doh bad kito kiba trei kine ki jait kam ki long nongtrei kiba kor ha ka bynta ban pynïoh bam ïa ki paidbah. Ka jingtrei ba man la ka sngi pat ha kane ka kam hateng hateng ka lah pat ban wanrah ïa ki jingpang kiba pur na ki mrad sha u briew.
Kumta, ka donkam ban bud ïa ki lad ki rukom ba suba ban lait na kum kita ki khep. Ha ka jingpyni lyngba ka presentation u la batai ïa ki rukom ba khuid bad suba ba ju bud ha ki karkhana ot doh kiba ïadei bad ka juk thymmai.
Ha kaba pynkut ïa ka jingpyni jong u, u la batai khyndiat shaphang ki tiar kiba don hapoh ka kit bad ka jingpyndonkam ïa ki. U la bynrap ïa ki nongshim bynta ban pyndonkam hok ïa kane ka kit ba la sam sha ki, khnang ban pynmih ïa ka doh ba suba bad ba bha, ban kham lah pynïaid iew ha ka dor ba kham heh bad kin long ka nuksa babha ïa kiwei pat ki para nong ot-doh.

Leave A Reply

Your email address will not be published.