Khliehriat Nailar 09 :Ka tnat Advocacy Reform Movement ARM jong ka seng Hynñiewtrep Integrated Teritorial Organisation East Jaiñtia Hills District, hapoh ka jingialam u President u bah Burom Dkhar lem bad ki Dkhot ka CEC, hynin ka sngi ki la kynduh ïa u Superintendent f Police ka East Jaiñtia Hills District, u Shailendra Bamaniya, IPS bad ki la ïakren halor ki lai tylli ki mat jingdawa bad ruh ki la buh da ka jingthoh hakhmat u SP.
Ki lai tylli ki mat jingdawa jong ka seng HITO na East Jaiñtia Hills District ki long ban buh noh ïa ki pulit pyniaid kali lane ki Traffic personel ha man la ki Police Ooutpost kiba don ha East Jaiñtia Hills District ban ai ka jingïada ïa kipaidbah ban shngaiñ ka leit ka wan ki paidbahkaba long katkum ki kyndon aiñ jong ka Article 14 bad 21 jong ka riti synshar ka ri India, la dawa ruh ban ai lad ba ka aiñ ka ba kan treikam solonsar ïa baroh ka aiñ ka bym noh shilang shano shano ruh “Ngi iohi ha kane ka public hearing kaba dang shu dep ha Lum Syrman elaka Nongkhlieh, ngi ioh ba ki paidbah kiba pyrshah ïa ka public hearing ki pulit ki siat da ki lyer pynsat khmat ne tear gas ynrei haba ïadei bad kito ki kynhun kiba ai jingkyrshan ïa ka public hearing pat kiba lynthem maw ïa ki paidbah na ka liang ki pulit kim siat tear gas ïa ki, te na ka liang jong ngi ka seng ngi la dep iakren bad u SP ban pynshitom katkum ka aiñ ïa kine ki briew kiba pynwit ïa ka suk ka saiñ jong ki paidbah, namar riti synshar paidbah lyngba ka article 21 ka kdew bauno uno u briew u don ka hok ban im suk im saiñ bad kumjuh ruh ban im laitluid. Kawei pat ka jingdawa pat ka dei halor ki kam sniew kiba bun, namar ngi la ioh ba hapoh ka district ki la jia bun ki kam sniew , kumta ngi la dawa nau SP ba ïa kino kino ki briew kiba leh kam sniew ne ki briew thrang snam kiba shim ïa ki mynsiem jong kiba lui lui dei ban pynshitom katkum ka aiñ” ong u samla Burom Dkhar.
La ong ruh bana ka liang u Superintendent f Police ka East Jaiñtia Hills District, u la kular ban shim khia ïa ki mat jingdawa bad u la pan por shi bnai na ka seng ba un iakren bad ka tnat kam poh iing lane ka Home Department ban pynurlong ïa ki jingdawa.
Na ka liang ka seng ka khmihlynti ba u SP un shim khia ban pynurlong ïa ki lai tylli ki mat jingdawa.
