Haduh kamra thiah u Modi ngan leit lada donkam ban ïada ïa ki Khristan : Bah Sanbor

Shillong, Nailur 25 : U Myntri ka sorkar jylla bad u nongïalam BJP, u Bah Sanbor Shullai ha ka sngi Thohdieng u la ong ba u don hakhmat eh ban mih bad ïakhun ban ïada ïa ki Khristan.
Haba kren bad ki lad pathai khubor, u Bah Sanbor u la ong, “Ki don kiba kylli mano ban ïada ïa ki Khristan namar ba nga don ha BJP. Hynrei lada donkam, ngan leit shaduh kamra thiah jong u Modi ban pynthikna ba ki Khristan kin ïoh jingïada.”
U la ong ruh ba ki jingkynnoh pyrshah ïa u tang namar ba u don ha ka BJP kim don nongrim satia. U la ong, “Kine ki jingkynnoh kim don nongrim. Phi lah ban peit ruh ïa ka constituency jong nga.”