Boko, July 25: Kawei ka kynthei ka la shah kyrdem haduh ban da ïap ha u Hati khlaw ha ka miet jong ka sngi Thohdieng jong ka West Garo Hills ha Meghalaya, kaba pynpaw ïa ka jingïatyngkhuh hapdeng ki briew bad ki Hati kaba nang jur ha khappud Assam-Meghalaya.
Kane ka lanot, la tip kyrteng kum ka Pichuki Rabha, ka dei ka nongshong shnong jong ka shnong Lahapara ha Belguri bad ka la shah thombor hadien ba ka kynhun ki hati khlaw ki la ïaid bakla sha katei ka jaka ban wad jingbam, kaba la pynmih ïa ka jingsyier ha ki nongshong shnong.
Katkum ka jingong ki nongshong shnong, ki hati ki la rung shapoh shnong Belguri ha ka por miet, kaba la pynsaphriang ïa ka jingtieng katba ki dang ïaid lyngba katei ka thain.Ia ka Pichuki Rabha la lap bad mar mar kila thombor bad kaba la mynsaw jur na ka jingshah thombor.
Kane ka jingjia ka la pynlong ïa ka shnong khappud ha ka jinglyngngoh, ha kaba ki nongshong shnong ki la pynpaw ïa ka jingsngewkhia kaba jur halor ka jingwan rung ki hati man ka por kaba buh jingma man ka por ïa ki jingim, ki jingthung jingtep, bad ki mar ki mata ha ka thaiñ.
Ki bor Forest bad ki bor synshar shnong ki la shim khia ïa kane ka jingjia.Kane ka jingïap ka la pynpaw biang sa shisien ïa ka jingïatyngkhuh hapdeng ki briew bad ki hati ha ka thaiñ khappud jong ka West Garo Hills, kaba la pynlong ïa ki ban wad ïa ki lad kiba kham khlaiñ, kynthup ïa ka jingpynbha ïa ki rukom ai jingmaham kloi, ka jingpynïaid ïa ki jaka shong jaka sah bad ka jingpynkhlain ïa ka jingïada na ka bynta ki shnong.
