Haduh 50 percent ladep ban pyntrei ïa ka surok NH-6 ha Narpuh, EJH

Khliehriat, K’lyngkot, 29: Ka jingpyntrei ïa ka surok National Highway-6 ha ka thaiñ Narpuh East Jaiñtia Hills District la lah ban pyndep haduh 50 percent bad la khmih lynti ba ïa ka jingpyntrei yn lah ban pyndep hashwa ban poi ka aiom slap, la pyntip ka ophis jong u Deputy Commissioner ka East Jaiñtia Hills District.
La ong ruh ba ka Narpuh Reserve Forest kata ha lynter ka surokbah NH-6 ka hap hapoh kine ki jingthew jong ka jingjngai katkum ka jingsorjamin na ka 141.500 kilomitar haduh 145.000 kilomitar ka jingpyntrei ïa ka kam, kata, ïa ka ka GSB Laying la pyndep na ka 141.500 kilomitar sha ka144.600 kilomitar, ka DBM Laying la pyndep na ka 144.600 kilomitar sha ka 145.000 kilomitar, ka PQC Single Lane la pyndep na ka bynta 1 kilomitar hapdeng141.500 kilomitar haduh 144.600 kilomitar bad ka jingpyntrei ïa ki nala la pyndep hapdeng 141.500 kilomitar haduh 145.000 kilomitar kata na ka 160.000 kilomitar haduh 167.000kilomitar.
Ka jingpyntrei ïa ka DBM la pyndep hapdeng 160.00 kilomitar haduh 167.000 kilomitar ha ka jingjngai kaba 6.4 kilomitar bad ïa ka PQC ha ka jingjngai kaba 600 meter yn dang sdang.
Ha ka jingpyntrei ïa ki nala la pyndep hapdeng 160.000 kilomitar haduh 163.500 kilomitar bad bynrap ba na ka bynta kine ki jingpyntrei baroh, palat 50% la lah ban pyndep kat haduh mynta.