Shillong, Jylliew 25 : Ka Khasi Hills Autonomous District Council (KHADC) ka la ïoh pdiang ïa ka bhah kaba la kot haduh 39,05,33,000 tyngka na ka sorkar jylla kaba dei na ka bynta ka samoi treikam jong u 2024-2025.Ïa kane ka la ïathuh da u Executive Member ka tnad Platyngka jong ka Council, u Bah Seiborlang Warbah haba jubab hapoh ka Dorbar Mangtyngka jong ka KHADC hynne ka sngi.
Mar ïa dep jubab u EM na ka liang u MDC ka Mawshynrut, Bah S Rashir u la ieng bad ai jingmut ïa ka KHADC ba ka dei ban khang lut ïa ki khyrop lum khajna beain.U ong ruh ba lada kattei klur ka sorkar jylla ka la pyllait pisa, ka la biang ba dei ban khang lut noh ïa ki khyrdop beain.
Haba jubab halor kane pat, u EM u la pyntip ba ka ka Executive Committee kan sa shim ïa ki sienjam ban pyntikna ba ki khyrdop lum khajna beain kin ym ïoh jaka ha u pud u sam jong ka Council.
