Jowai, Jymmang 30: Ka Dorbar Shnong jong ka Chilliang Raij Jowai, ha ryngkat ka jingïatreilang bad ka ophis jong ka Forest Department Wildlife Division, Jowai, ha ka jingïadon lang ruh ki khynnah skul jong ka Chilliang Raij Upper Primary School kumjuh ki nonghikai, mynta ka sngi 30 tarik u Jymmang 2023, kila pynlong ïa ka prokram ban thung dien tynrai ne ka Tree Plantation Drive.
Ha kane ka sngi kila ïoh ban thung haduh 100 tylli ki tynrai dieng ha ki jaka ba la tip kum ka Pohsnieñ Trepariat ha ki bynta jong ka wah Myntdu River.
Ha kane ka jingthung dieng la don lang ruh u Waheh Shnong ka shnong Chilliangraij u ma D.H. Pde, ki nongtrei ka tnad khlem (Wildlife) bad kiwei de ki la ïashim bynta ha kane ka jingthung dieng.
Kiba la ïadon bynta bas kane ka jingthung dieng, ki kyntu ïa ki paidbah ba kim dei ban leg dusmon ïa kine ki dieng kiba la thung khnang na ka bynta ban pynneh pynsah ïa ka mariang bad kumjuh ruh ban ïarap ïa u khun bynriew ha kane ka pyrthei.
