Hadien u bah Bindo leit kyrshan sa u bah Lambor ïa ka EC u bah Pyniaid
![](https://mawphor.com/wp-content/uploads/2023/11/pyniad.jpg)
Shillong, Nohprah 19: Shi sngi hadien ka jingleit kyrshan u MDC ba shu sieh Bah Bindo Lanong, mynta ka sngi Ba-ar sa u MDC ka Nongkrem Constituency u Bah Lambor Malniang u la leit ban kyrshan ïa ka Executive Commitee (EC) jong ka Khasi Hills Autonomous District Council (KHADC) ba ïalam da ka National People’s Party (NPP).
ïa u bah Lambor la pdiang sngewbha da u CEM ka KHADC hapoh ka ophis treikam haka jingdon lang ki Executive Member (EM) ka District Council.
Lah ban kdew ba ïa ka EC hapoh ka KHADC la lam khmat da ka National People’s Party (NPP) bad ka Congress hapoh ka lama jong ka kynhun synrop Khasi Hills Democratic Front (KHDF).
Haba kren sha ki lad pathai khubor u bah Lambor ula ong ba kane ka rai ban kyrshan ïa ka EC ba ïalam u bah Pyniaid ka long namar ka jingpyntrei bha ïa ki kam ka District Council kiba dei naka bynta ka bha ka miat ki paidbah ka Jylla.
U Bah Lambor u la ïathuh ba kane ka jingkyrsan kam dei ba un ïasoh noh shaka kano kano ka Party hynrei ka long tang ban ïoh ka lad ban ai ka jingshakri ba pura sha u paidbah lyngba ka jingdon bynta haka EC.
“Hadien ka jingshimti u bah Pyniaid kum u CEM, nga ïohi ia ka jingpyntyllun sted ïa ki kam jong ka District Council ki ban tei ïa ka bha ka miat ka jaidbynriew da ka ba wanrah ïa ki Bill ba kongsan kynthup ïa ka Clan Bill ka ba donkam bha na ka bynta ka jaidbynriew” la ong u Bah Lambor.