Hadien ba ladep pynbeit ïa ki konstitwensi yn sa rai ka sorkar halor ka elekshon GHADC: Dy.CM

Shillong, Iaiong 14 : Ka Sorkar Jylla kan sa shim rai ïa ka election Garo Hills Autonomous District Council (GHADC) hadien ba pyndep ïa baroh ki kam ba ïadei bad ka jingpynbeit thymmai ïa ki constituency.
Haba pyntip ïa kane ha ka sngi Ba-ar, u Symbud Myntri Rangbah ba khmih ïa ka District Council Affairs u Bah Prestone Tynsong ula ong “Ka jingpynbna ka la mih ha kaba la thung ïa ka delimitation committee bad ka dei ka kamram jong kane ka committee ban pyndep ïa ka kam ba la bynshet ha ka ban pyndep ïa ka jingpynbeit constituency”.
“Hadien bala dep kane, ka ïing Dorbar kan sa phah sha u Lat ka Jylla ban ai jingmynjur. Hadien kane, ngin sa lah ban ïathuh ïa phi lano ngin pynlong ïa ka election” ula ong.
Haba kylli la ka Sorkar kan ap ïa ka Special Intensive Revision (SIR) jong ka Electoral Roll, u Bah Prestone ula ong ba kane kam da donkam ïa mynta.
“Ka SIR kam hap hapoh ka jingkhmih jong ka Sorkar Jylla, ka dei ïa kaba hap leh da ka Election Commission of India” ula ong haba bynrap “Ha kano kano ka por ba wan ka hukum, ngi long kiba la khreh naka bynta ka SIR”.
ïa ka elekshon GHADC la pynjlan hadien ka jingïakhih bad jingkulmar ha ri-lum Garo namar ka jingïoh ïa shim bynta ki bar jylla ban long ki kyrtong bad thep vote ha ka elekshon ka GHADC.