Shillong, Nailur 14 : Katkum ka Jingpynbna NO.JHADC/POL/71/2026/2, 18th August,2026 la ithuh ïa ka Dong Pynthor Barato kaba hap baroh shikatta hapoh ka Dorbar Shnong Barato kum ka Shong ba pura lane Dorbar Shnong Pynthor Barato.ïa kane ka shnong bathymmai la plie ha ka 12th September,2026 ha ka por 11 baje mynstep da u Mr A.Shadap,EM-JHADC uba la plie ïa u mot pynsah jingkynmaw ha ka jingdon ryngkat jong u Mr K Sariang,Doloi Elaka Shilliang Myntang,Mr A Lipon, President ka Synjuk Waheh Shnong Ri Lum Jaintia,Mr S Shanki Lamare, Secretary ka Synjuk Waheh Shnong Laskeiñ Block,Mr S Lamare Waheh Shnong Barato.
La ïoh ruh ïa ki jingkren na kitei ki ‘riew rangbah.Ha kane ka sngi ki don ruh kiwei kiwei ki ‘riew rangbah kiba shah khot sngewbha,ki long kmie long kpa ki khun Samla haduh ki khynnah rit kiba la wan ban sakhi ïa kane ka sngi bakhraw jong ka shnong.
Ha kane ka sngi nalor ba labuh ïa u mot pynsah jingkynmaw la ïoh ruh ban pynher ïa ka Lama lai rong da u Mr A Lipon bad jingpyllait ïa u Logo lane Emblem da u Rev. G S Lyttan uba ai ruh ïa ka jingbatai ïa ki jingmut kiba shong sbai kiba don ha ka.
Lapynkhamti bad pynkup burom ïa u Mr Hynruki Dkhar kum u Waheh Shnong ba nyngkong.Ki Nongkitkam ba nyngkong jong ka Dorbar Shnong Pynthor Barato ki long u Mr Hynruki Dkhar, Waheh Shnong,Mr Hashwa Shadap, Assistant Waheh Shnong,Mr Haban Dkhar, Secretary,TBn Pynshai Manner, Assistant Secretary,Mr Barister Suchiang, Finance Secretary,Mrs Bibiana Shadap, Treasurer bad Rev. D H Lamare, Adviser.Ka Shnong ka lajied ruh ruh ki Executive Committee Member.
Ha kane ka sngi ki don ki jingpynbyrngia kum ka dak jong ka jingkmen ba la ïoh ïa ka shnong bapura da ki jingshad nongrep jong ka Ïeibha U Pynku VO,ka jingshad na ki khynnah skul jong ka Moolyndeiñ LP School SSA bad ka Shilliang Um LP School SSA.U Rev. D H Lamare u la ai ïa ki kyntien jingaikhublei bad Mr P Sten u ai jingduwai bad jingkyrkhu pynwai.
