Ha Thailand jop u heprit Charming kum u Best Model bad Model Search Winner 2025

0

Shillong, K’lyngkot, 25: U heprit Charming Suchiang, uba dang don mynta ha ka rta kaba dang 7 snem u la jop ïa ka kyrdan kaba ar ha ka rynsan ïakob ‘I Am Model Search International 2025’ kaba la long ha ka nongbah Bangkok jong ka ri Thailand ban mihkhmat ïa ka ri India bad ïa ka thain Shatei Lammihngi ha ka sien kaba ar.
Ha kane ka rynsan ïakob napdeng ki heprit, u heprit Charming Suchiang uba sah ha ka shnong Lapalang, Shillong uba dei ruh u khun jong ka Kong Rihunlang Suchiang bad u Prince Chettri u la jop ruh ïa ka Best Model Award bad ïa ka nam I Am Model Search Winner 2025 ha ka kyrdan ki khynnah rit.
Kum ban shu pyntip hangne ba u heprit Charming Suchiang uba dang pule ha Laitumkhrah Presbyterian Higher Secondary School u lajop teng ha ka rynsan ïakob kaba la tip kum ka Global Inbaternational Little Mister kaba la long ha ka nongbah Khatmandu jong ka ri Nepal ha u snem 2024.

Leave A Reply

Your email address will not be published.