Nongpoh, Jylliew 17: Uwei u rangbah briew mynta ka sngi u la pynkut jubor ïa la ka jingim da u tyllai phasi ban phasi ïa lade haduh ba u la duh syndon ïa la ka jingim.
Kane ka jingjia ka la jia ha Downgate Nongpoh, ha kaba uwei u rangbah ba la tip kyrteng kum u Suku Mejar, ha ka rta kaba sawphew snem u la pynkut ïa lade da kaba phasi sha ki bynta ba shapoh jong kawei ka Building kaba don ha Downgate Nongpoh.
Kumba la ioh lum jingtip, une rangbah u al don 4 ngut ki khun bad uba shu im da kaba bylla sngi bad la bun snem mynta um shym la shong lang bad ki khun bad dei haduh mynta ka step ha ka por 10 baje ei ei ki paidbah ki la lap ïa utei u rangbah uba la phasi ïa lade haduh ba u la duh ïa la ka jingim.
La ïathuh ruh ba une u rangbah u la phasi ïa lade da u kynja ksai um bad hadien ba la lap da ki paidbah la pyntip sha ki bor shnong bad na ka liang ki bor shnong ki la pyntip sha ki bor pulit ban leh ïa kaba donkam.
Shuh shuh, la ong ruh ki bor pulit ka Nongpoh ruh tang mar ïa tip ki la poi sha katei ka jaka ba utei u rangbah u la phasi ïa lade, da kaba pynlong ruh ïa ka jingtohkit bad ha ryngkat ka jingdon lang ki bahaïing ki Pulit ki la law noh ïa katei ka met na u tyllai phasi ban pynkit sha Civil Hospital Nongpoh ban pyndep ïa ka postmortem examination.
