Shillong, Ïaïong 26: Ki skul kiba don ha South West Garo Hills District ki la pynlong ïa ka jingrakhe ïa ka sngi ban bam ïa ki jingbam ba tei met bad ka phang pdeng ka long “To san ban long kiba koit ba khiah”, ha kane ka sngi la ban jur ïa ka jingdonkam ban thung ïa ki jhur ba khlem pyndon kam dawai.
Ha kane ka jinghikai la pynlong ha Hathisil Government Lower Primary School ha Ampati, ha kaba ki khynnah skul ki la ïa shim bynta da ka jingsngew kmen, ha ka jingdonlang ki nonghikai bad ki nongïalam na ka thaiñ.
Ha kane ka sngi ïa ka jinghikai la plie da u Clement G. Momin, Vice-Chairman jong ka State Reforms bad Development Commission ka sorkar, ha ka jingkren ka jong u la ban jur ba donkam ban thung hi ïa ki jhur kane ka long ban ïoh ïa ki jhur kiba khlem pyndonkam dawai kaba kongsan ban ïoh ïa ka bam kaba bha. U Jogodish Hajong, Director ba dei na ka kynhun ban peitngor la long symbud kongsan, ïa ka jingkren mait phang halor kane ka phang la kren da u Emphul Ch. Marak, Sub-Divisional School Education Officer (SDSEO), Ampati.
Ha ka jingkren ka jong u la ong ba ka Amapti ka la ïoh ïa ka khusnam halor kane ka jingthung jhur ba khlem dawai, ha kane ka sngi la don ruh kiwei kiwei ki ophisar na kiwei ki tnad sorkar kiba la ïa shim bynta.
