Shillong, Nailar 25: ïa ka phlim Lyngkar kaba dei ka phlim ba la pynmih bad Direct da u Bah Elegis Thongni bad u Bah Nick Shangpliang, bad la ak da ka Actress ba pawnam hapoh YouTube ka Aba Nongkhlaw ba shait khot da ka Puliaw ha ryngkat ka Sanmilian Mawrie kaba dei ka actress ba la ju ak bun tylli ha ki phlim Khasi ha kine ki sngi ba la leitnoh yn pynlait paidbah ha ka 30 tarik mynta u bnai.
Kaba sngewtynnad shuh shuh ka long ba ha kane ka phlim ba la ak lang da u Actor Wellborn Mynsong uba ki briew ki ju tip kum u Paheh, kaba ki briew ki la ap khmih lynti lah slem bha ïa ka Puliaw bad u Paheh ba kin ak ha ki phlim hynrei lyngba kane ka phlim Lyngkar kine ki shijur ki la ïoh lad ban pyni ïa ka sap lade hakhmat ki paidbah kumba ki paidbah ki lah kwah bad angnud baroh shi katta ha kine ki por bad kine ki sngi.
Ha kane ka phlim la ïa shim bynta lang da ki khlur pawnam kiba ju ak serial hapoh YouTube kum ka Kers Channel kaba dei u nongleh comic, u John Rani uba ki tip kum u Kohduh, bad u Anthony Khyriem uba dei ruh u nongrwai ba paw ka jylla ha kajuh ka por bad kiwei ruh ki phlim ba la ju ak.
Shuh shuh bad kaba pynkyndeh bha ruh ïa ki paidbah Nongrep ka jylla ka long ba la ïoh ban ïa shim bynta ruh da u General Secretary ka seng ki Nongrep central body Meghalaya,
Ia kane ka phlim la pynbit pynbiang da u Bah Elegis Thongni bad yn sa pyllait paidbah noh ha ka 30 tarik mynta u bnai, 2024 hapoh Bijou Cinema Hall Shillong ha ka por 11:30 am / 2 pm / 5 pm / 7pm, bad ha Byrnihat Cinema Hall ha ka Por 2 baje bad 5 baje janmiet.
