Nongpoh, Jymmang 25: U heh Pulit jong ka Ri-Bhoi, u Giri Prasad haka kyrwoh bala phah sha ki lad pathai khubor mynta ka sngi u la pyntip ba 4 ngut ki runar kiba la leh ïaki kam bymman bapher bapher kila shah rai pynrem syndon haka ïing bishar District and Session Court Ri-Bhoi District da kaba set phatok ha along.
Kitei ki 4 ngut ki runar ki kynthup ïa u Donboklang Lapang naka shnong Umsning Proper A, u Dameialamlynti Shadap naka shnong Kyrdem, u Spearlin Pariong naka shnong Umktieh bad u Samson Kharhujon kiba dei na Ri-Bhoi District.
U Superintendent of Police u la pyntip ruh ba ïa u Donboklang Lapang la rai pynrem da kaba pynngat haka kyndon 3(a)/5(m)(n)/6 POCSO Act bad 354B/361/366/375)(a) ba hap hapoh 375(Sixthly)/376(2)(f)(j)/376(3)/376AB jong ka IPC. Naka liang ka ïing bishar kala rai ruh ban set phatok 7 snem bad ka kuna kaba 50 hajar katkum ka Section 354B IPC, 10 snem ha phatok ryngkat ka kuna kaba 50 hajar katkum ka Section 366 IPC bad ruh ban set phatok shi jingim ryngkat ka kuna kaba 2 lakh katkum ka Section 376AB IPC.
Ïa u Dameialamlynti Shadap la rai pynrem hapoh ka kyndon U/S 3(b)/5(m)(n)/6 POCSO Act and U/S 375(b) kaba hap hapoh 375 (Sixthly) /376 (2) (f) (i) (j) jong ka IPC haka bynta ba nyngkong bad U/S 3 (a) /5(m ) (n) /6 POCSO Act bad U/S 375) (a) ba hap hapoh 375 (Sixthly)/ 376 (2) (f) (j) /506 jong ka IPC haka bynta kaba ar, bad naka liang ka ïing bishar kala rai ruh ban set phatok shi jingim ryngkat ka kuna.
Ïa u Spearlinlang Pariong la rai pynrem da ka ïing bishar hapoh ka kyndon 324 IPC R/W Sec 75 JJ Act bad rai ban set phatok 2 snem. Katba ïa u Samson Kharhujon u ba la ot ïaka khmut jong ka lok ha u snem 2017, naka liang ka ïing bishar kala rai pynrem hapoh ka kyndon 325 IPC bad set along 1 snem ryngkat ka kuna.
