Khliehriat Jymmang 25: Ki pulit jong ka East Jaiñtia Hills District, mynta ka sngi ki la ioh ban kurup ïa u ganja ba ju tip kum u Marijuana uba don haduh 10.8 kilo, la lap ïa une u ganja na kawei ka kali maruti Alto, kaba don u registration numbrt ML-05-G-0965 bad ki pulit ki la bat noh ruh ïa u bah Deiborlang Sutnga, 32 snem kyrta ban pynlong ia ka jingtohkit.
Katkum ka jingpyllait khubor na u Additional Superintendent of Police, East Jaiñtia Hills District, u bah B.Jyrwa, MPS, la ong ba hadien ka jingioh jintip ba u briew uba khaii drok uba wan na Shillong sha Khliehriat, ki pulit jong ka East Jaiñtia Hills District ki la pynlong ïa ka jingpynap ktem bad mar mar ki la thaw ruh ïa ka kynhun (Naka) hajan Moowakhu, hajan National Highway-6 bad dei ha ka por 2.30 nohphai sngi, ki la ioh ban pynsangeh bad bat ïa katei ka kali bad hadien ba la khynra ki pulit ki la lap ïa ks song kiba la suba ba ki dei ki ganja, kumta ha khmat ka jingdon lang ki briew paidbah, la test bad pyntikna ba u dei u ganja uba ju tip kum u Marijuana.
Ki pulit ki la kurup noh ruh ïa katei ka kali Maruti Alto bad kawei ka mobile phone. Halor kane, la register ïa ka ejahar ha Khliehriat Police Station, Case No. 39(5)2023 hapoh ki kyndon aiñ 20(b)(ii)(B)/29 NDPS Act bad ka jingtohkit ka dang iaid ban lap dien shuh shuh ïa kiba donkti.
