Khliehriat, Nailur 25: Lai tylli ki kynhun ba kynthup ïa ka Wapung Shnong, Moolang bad ka Musniang Rim, ki la khur jingjop ha ki jingïalehkai ka lympung phutbol – kyrdan Third Division bala pynïaid da ka East Jaiñtia Hills District Football Association ba la long ha kane ka Sngi Balang (25 tarik u Nailur, 2024) ha madan EJDSA Artificial Turf, Diengshynrum, Khliehriat.
Haba phai sha ka jingïakhun ba nyngkong ka kynhun ïalehkai jong ka Wapung Shnong SCSC kala pynliem da 4-3 kol ïa ka Tongseng Youth SSC haka jingïashut Tie Breaker ban jam sha ka wat ïakhun jong ka Round 16.
Haka jingïakhun kaba ar ka jingïalehkai ka la long kaba itynnat ha kaba ka Moolang SC kala pynliem noh da 5-2 kol ïa ka Iongkaluh Wahsder SC. Ha kane ka jingïalehkai la sakhi ïa ki lai kol (hat trik) ba la thep marwei da u Faster Rymbai na bynta ka Moolang SC kiba la thep ha ka 16, 67 bad ha ka 80+2 minit, u Shibunlang Dkhar haka minit ba 32 bad u Lambres Dkhar haka minit ba 6. Ïa ki kol na ka Iongkaluh wahsder la thep da u Fastly Dkhar haka minit ba 22 bad u Diophrin Dkhar haka minit ba 72.
Katba ha ka jingïakhun kaba lai la sakhi ïa ka Musniang Rim SC kaba la pynliem da 2-1 kol ïa ka Suchen Lumiarain SC. Ki kol na ka Musniang Rim la thep da u Miki Siangshai haka minit ba 63 bad u Shanbormi Dkhar haka minit ba 79. Ïa ka shikol na ka Suchen Lumiarain SC la thep da u Areyou Amse haka minit ba 55.
