SHILLONG, Nailur 25: Mynta ka Sngi Palei (26.09.2024) yn bteng biang ïa ki jingïalehkai ha ka lympung Shillong Sports Association Second Division 2024 ha SSA Ground, Polo.
Ka jingïalehkai kaba nyngkong kan long ha ka por 12 baje mynsngi bad ka jingïalehkai kan long hapdeng ka Lumshyiap SC pyrshah ïa ka Laitlyngkot SC, baroh ar ki dei napoh ka Group B.
Ynda ladep kane ka jingïakhun yn bud sa ha ka por 3 baje nohphai sngi hapdeng ka Marbisu SC pyrshah ïa ka Nongkrem SC, kine ruh ki dei na ka thup jong ka Group-B.
Baroh ar tylli ki jingïalehkai kin long ha SSA Ground, Polo.
