Jowai, Rymphang 10: Ka office jong u Deputy Commissioner (Supply), West Jaiñtia Hills u pyntip sha ki dealer khaw ration baroh ba katkum ka jingbthah jong ka Sorkar (Government of India, Ministry of Consumer Affairs, Food & Public Distribution), ki nongbam khaw ration kiba hap hapoh ka NFSA (AAY & PHH) ki hap ban shim khaw da kaba pyndonkam da ka e-pos machine.
Ha kajuh ka por ka sorkar ka la pyntip ba ka lah ai por biang ban shondur Aadhaar na ka bynta ki nongbam khaw ration haduh ka 31th March, 2025. Kumta na ka liang jong ka Office ka la kyrpad ïa kito ki nongbam khaw ration baroh ki bym don Aadhaar hynrei kiba dang kwah ban shim khaw ration ki hap ban leit shondur Aadhaar ha ka office jong u BDO (Laskein/ Thadlaskeiñ C&RD Block) lane pyntip sha ka office u Deputy Commissioner (Supply), West Jaiñtia Hills District.
