Nongstoiñ, Naitung 20: Ki paidbah ka thaiñ Sohpian Nongstoiñ, ki la pynpaw ka jingbitar namar ka jingdkoh treikam u tower u ba dei na ka kompany Jio u ba don hapoh ka shnong Sohpian.
Halor kane, na ka liang ka WKSU Nongstoiñ pyllun ka la leit ban ïakynduh ïa ki katto katne ngut ki nongshong shnong katei ka thaiñ ban kylli kham bniah, ha kaba ki la ïathuh ba ka network ka thut khah khah bha khamtam ha ka por mynmiet.
Na ka liang ka seng ka la dawa mardor ïa ka Company ban pynbit pynbiang ïa ka network, khnang ba ki paidbah kin nym duhnong ha kaba ïa dei bad ki kam ki jam jong ka thaiñ hi baroh kawei.
Na ka liang seng ka dawa ruh ïa ka Company ba dei peit ïa u ne u tower, ban pynbit pynbiang noh ïa u tei u tower hapoh kane hi ka taiew, lym kumta ka seng kan sa leh da kaba kham tyngeh ong u President ka WKSU Nongstoiñ pyllun.
