Nongpoh, Naiwieng 03: Wat la kiba bun ki paidbah ki la her mynsiem bad klumar na ka jinglap ïa kawei ka pla ïong kaba don harud ka surokbah ha sor Nongpoh, ha kaba ki bor pulit ki la shim khia ban nym tur ki paidbah ba leit ba wan, hynrei ha kaba khatduh hadien ba la poi ka kynhun Bomb Squad kiba la talasi ïaka pala la lap pynban da ki jaiñ phong hapoh katei ka pla ïong.
Kane ka pla ïong la suba ba la kum klet da mano re mano ha kaba la shu buh harud ka surok, haduh ba la pynklmar ïa ki paidbah bad ki bor pulit ki la wan poi mardor ban ïada na ki paidbah ban tur sha katei ka jaka bad ka long pat kaba sngewthamula hadien ba la plied ïa katei ka pla la lap tang da ki jain phong suda.
Ki jaiñ ba la lap na katei ka pla ki kynthup ïa ka sweater, patlun, sopti bad kiwei kiwei ki jaiñ phong bad dei haduh ba la poi ka kynhun Bomb Squad ba la lah ban plied ïa katei ka pla bad la lap ba don tang ki jaiñ phong sunda.
Kum ban pynkynmaw, kane ka jinglap ïa ka pla ïong ka la pynklumar ym tang ïa ki paidbah bad ka la pynkulmar jingmut ruh ïa ki pulit, namar dang shen ki Pulit ka Ri Bhoi ki la lap ïa ka Pla ïong ha Umsning bad la lap shisha ïa u Bom IED, ha kaba ïa kane la kam ruh da ka kynhun ehrah HNLC bad de namar kane ka daw tang ïa bna ba don katei ka pla ïong ka la pynklumar jingmut lut ïa ki paidbah bad wat ïa ki Pulit kiba la hap ban khot da ka kynhun Bomb Squad ban plied ïa katei ka Pla.
