Nongpoh, Naiwieng 03: Ki paidbah ka sor Nongpoh mynta ka miet kila khihwin hadien ba ka don kawei ka pla bala iehnoh hapdeng surok khlem don ba wan kam satia.
Naka liang ki pulit ka Ri-Bhoi mar mar kila hiar sha katei ka jaka ban tawiar bad khang sawdong ïa katei ka jaka ban nym ailad ïaki paidbah ba leit ba wan na katei ka jaka katba ki dang ap ïaka kynhun bomb squad kiba dang hiar na nongbah Shillong ban pynshisha ïa katei ka pla.
Tad haduh ban da thoh ïa kane ka khubor ym pat lah ban tip satia u ei ba don ha katei ka pla kaba la shu iehnoh ha surok bad naka liang ki pulit ki dang pynlong ka jingtohkit ban lap ïa u ei ba don hapoh katei ka pla.
