Dei ka Seng Khasi Hima Mawsynram bad ka MIMTF kiba pan jingïarap na ngi, ong ka KSP

Shillong, K’lyngkot, 03: Ka Kutumba Surakshya Parishad (KSP) ha ka sngi Thohdieng ka la phah da ka jingthoh sha u Myntri Rangbah ka Jylla u Conrad K Sangma da ka jingkyrpad ban kyntiew ïa ki kam jngohkai pyrthei ha ka jingleit riewblei lyngba krem Mawjymbuiñ kaba don ha ka shnong Mawsynram, East Khasi Hills district.
Ha shithi ba la phah sha u Myntri Rangbah ba la soi da u President u Satya Ranjan Borah, ka KSP ka ong, “ngi ngeit ba ka jingïadon bynta lang jong ngi ha ka krem Mawjymbuiñ ka dei kaba la pynshisha da ka riti synshar bad kumta ngi don hangne.
Shuh shuh ha ka shithi, ka KSP ka la ong, “namarkata, ngi don shuh shuh ha kane ka ishu krem Mawjymbuiñ, namarba la pynsngew sha ngi da ka seng kaba kyrteng ka Seng Khasi Hima Mawsynram (Meghalaya) bad ka Meghalaya Indigenous Minorities Tribal Forum (MIMTF). Ki nongmihkhmat na ka Seng Khasi Hima Mawsynram ki la wan jngoh hi dalade ïa ka Head Office jong ngi ha Chanakyapeeth, Tatimara, Chandrapur, Guwahati (Assam) ban pan ïa ka jingkyrshan jong ngi ba kin ïoh biang ïa ka hok katkum ka riti synshar ban mane blei ha krem Mawjymbuin ha kaba ngi la ïakren ruh lyngba ka telephone bad ki dkhot jong ka MIMTF,” ong ka dorkhas na ka KSP bad bynrap, “sngewbha ban ai ka jingkular ba yn ym don kino kino ki riewshimet lane kano kano ka jingkhwan myntoi shimet na ka Kutumbe Surakshya Parishad ha kane ka jingjia.”
Ka KSP ka la kdew ruh ïa ki hok jong ki nongshong shnong ka ri India katkum ka Article 51 (A) jong ka riti synshar jong ka ri India.
“Ngi kwah ba ïa u maw hapoh ka krem Mawjymbuiñ dei ban plie na ka bynta baroh ki riewngeit/ ki nongleit riewblei/ki nongjngohkai pyrthei. Ngi ngeit skhem ba kane kan kyntiew shuh shuh ïa ka jingïoh lum khajna ka Jylla na ka Pilgrim Tourism Sector. Phi lah ban shna katto katne ki kyndon na ka bynta kane ban pynlong ïa ka jingmane blei ne ban tyrwa jingduwai hakhmat u maw,” ong ka KSP.
“Ngi ai jingmut ruh ïa phi ban buh da ki kyndon ha kaba ïadei bad ka jingthang ïa ki ding, dhup bad kiwei kiwei hapoh ka krem na ka bynta ban ïada ïa ka jinglong jingman jong ka mariang. Ngi ai jingmut ruh ïa phi ban buh ïa ki kyndon haba ber ïa ki syntiew ne buh ïa ki soh ha u maw ban ïada ïa ka jinglong jingman ki sawdong sawkun. Ngi ai jingmut ruh ïa ki phi ban buh katto katne ngut ki briew ban lum ïa ki soh bad kiwei kiwei ki tiar shabar jong ka krem khnang ba ïa kine yn dup lah ban sam sha ki trai shnong kiba duk bad kiba donkam.
“Lada ma phi bad ka kynhun, phi pan ïa ka jingïatreilang jong ngi, ngin da sngewkmen shikatdei ei bad ngin jin da la kloi ban ïarap lem ïa phi ban pynlong ïa ka krem kaba kongsan ha ka ri khlem da pynmong ïa kiwei pat ki jingngeit ne ki dustur bad ki kynhun bapher bapher. Ngi ieit ïa ka jingitynnat bad ngi sngewsarong ïa ki nongkynti ba la rim kiba don ha Meghalaya. Ngi pan na phi ïa ka jingkyrshan bad ka jingïatreilang na ka bynta ka jingmyntoi jong kiba bun balang ha ka ri bad ban ïada ïa ka jinglong kyntang jong ka,” la bynrap shuh shuh ka KSP ha ka dorkhas.