Dei ka jingslem ki pulit pynlip ding ban poi sa kylla dpei lut ka skul KJP

0

Shillong, Jymmang 21 : Ka jingkylla dpei lut jongka skul KJP HS ka dei namar ka jingslem palat ki pulit pynlip ding ban poi namar hadien shikynta ba la pyntip da ki bor shnong Dong Mission ka kali pynlip ding ka dang poi bad kat haduh ba kin da poi la jan baroh koit ki bynta jongka skul ki la kem ding lut bad na kata ka daw kim lah shuh ban tem ïa ka ding ha ka por kaba biang.
La ïathuh ba ha ka por ba pyntip ïa ka jingjia ne kane ka jingklang jongka ding ha kane ka skul ka jubab ba ïoh da ki nongpyntip ruh ka long kaba sngewsih bha ha ka jaka ba kin kren da ki ktien don akor ki kren pynban da ki kyntien kiba pynmong bad pynbitar ïa kiba pyntip.
Nalor kata haba la poi bad kylli ïa ka daw jongka jingslem jongki ki aidaw ba ka jia ka jingpluh haduh san jaka tang hynnin ka miet. Ka jingkylli ka long hato ki don tang saw ne san tylli ki kali pynlip bor ding ha kane ka district khamtam ha kane ka nongbah Shillong. Lada ka long kumne kumno keiñ ki paidbah kin shaniah ïa ki pulit kiba la buh ban shakri ïa ki paidbah ha ka por ba jia kino kino ki jingjia ba kyrkieh khamtam kum kane ka jingpluh ïing. Kan myntoi aiu ba kin wan poi hadien shi kynta namar kat shi kynta ba ka ding ba klang te la kylla dpei hi kumba la jia ïa ka skul KJP HS.
Halor kane ki paidbah ki pynpaw ba ki heh pulit ki dei ban buh da ka jingtohkit ban lap ïa ka jingshisha balei ba poi slem bad haba ki poi sha ka jaka ki long kumno ruh. Namar kaba kum kane ka la jia na ka por sha ka por bad kam dei shuh ka sien ba nyngkong.

Leave A Reply

Your email address will not be published.