Dawa panmap ki ka kynhun ki Dorbar Riwar Mihngi na u rangbah na Umden

Halor ka jingkynnoh jong u ïa ka Pynursla

0

Shillong, Jylliew 18: Ka Federation Riwar Mighngi Local Dorbar, ka la pynpaw ka jingsngewkhia kaba jur halor ka jingkren jong uwei u rangbah na Umden ha ka 10 tarik mynta u bnai ha ka por ba pynlong jingïakhih i Kong Bindas Syiem hajan Additional Secretariat.
Ki nongïalam kane ka kynhun kiba kynthup ïa u Bah J. Donbor Dkhar, General Secretary bad u Bah Joy James Toy Khongmawloh, President, haba sot na ka jingkren jong une u rangbah kumba la paw ha ki lad pathai khubor ha kitei ki sngi, ki la ong ba kane ka jingkren ka long ka bym lah ban pdiang bad ka ktah matïong ïa ki paidbah nongshong shnon jong ka thaiñ Pynursla bad ki paidbah ka thaiñ Riwar Mihngi baroh.
Kine ki rangbah ha ka jingïakren bad ki nongthoh khubor ha Shillong Press Club, ki la dawa ba une u rangbah udei ban weng noh ïa ka jingkren jong u bad kumjuh ruh ki la dawa ba dei ban panmap noh ïa ka jingkren jong u hapoh artaïew lym kumta na ka liang ka Kynhun kin sa leh ïa kaba donkam.
Ha kajuh ka por na ka liang ka Kynhun jong ki Dorbar Shnong ka pynpaw ka jingsngewsih ba ki jingkren kiba kum kine ki pynpharia ïa ka jaidbynriew bad kiba kum kine ki jingkren ki dei satia kiba wanrah ïa ka jingïalong kawei bad kiba tei ïa ka jaidbynriew.

Leave A Reply

Your email address will not be published.